article 3

Sa Laverdad

Matagumpay na naipatayo ang paaralang La Verdad Christian College Caloocan (LVCC) sa pangunguna nina Bro. Eliseo F. Soriano at Kuya Daniel S. Razon. Ang paaralang ito ay itinaguyod para sa mga mag-aaral na nais makapagtapos ng kani-kanilang pag-aaral sa kolehiyo.

Ang LVCC ay ang nag-iisang pampaaralan na walang binabayaran ang bawat estudyante. Sa katunayan lahat ng mga bagay na may kaugnayan sa pag-aaral sa kolehiyo ay libre. Halimbawa nito ay ang uniporme, mga libro, pagkain, pati na rin ang mga kompyuter, camera at iba pang mga kagamitan na maaring makatulong sa mga iskolar sa nasabing paaralan.

Hindi lang yan, maging sa mga pangpinansyal ay tumutulong sina Bro.Eli at kuya Daniel sa mga iskolar na kanilang pinapag-aral upang hindi ito mawalan ng pag-asa sa kanilang pag-aaral, upang hindi maging dahilan ang kahirapan sa pag-aaral ng mga piling iskolar ng LVCC.

Kaya bilang iskolar o mag-aaral tanging pag-aaral ang aming iginaganti upang masuklian namin ang mga paghihirap at kabutihang naibabahagi nila sa amin.

Kahit mahirap mag-aral, masigla pa rin ang mga iskolar at patuloy na nag-aaral sa abot nang aming makakaya. Di lang iyan, dahil aktibo ang lahat sa mga aktibidades na mayroon sa paaralan na ang bawat isa ay nagpapakita ng kani-kanilang mga kakayahan sa nasabing patimpalak.

Gaya na lamang nito ay ang “Buwan ng Wika” na ang bawat isa ay naging masaya dahil sa matagumpay itong naidaos. At hindi lang iyan nagtatapos sapagkat madami pang mga aktibidad na dapat abangan ng lahat.

Mayroon din namang mga organisasyon na maari ding salihan ng mga mag-aaral gaya ng Teatro La Verdad (TLV) na iyong ipapamalas ang iyong galing sa pag-arte, Blue Ants naman para sa mga mahilig sa pagsayaw, Veracidad naman para sa mga magagaling sa pagsusulat at marami pang ibang organisasyon na pwedeng salihan na tiyak na mapupulutan ng lahat ng aral.

Type of Structure: News Feature Story

article 2

Isyu ng bayan hindi matapos-tapos

             Isiniwalat ng CBCP-NASSA (Catholic Bishop Conference of the Philippines National Secretariat for Social Action Justice and Peace) ang tungkol sa isyung pork barrel scam na hindi lamang si Janet Lim Napoles ang utak sa nasabing kaso.

            Hamon ni Chairman Auxiliary Bishop Broderick Pabillo sa Pangulong Aquino na hindi lamang si Napoles ang dapat sisihin kung hindi pati na rin ang mga mambabatas at iba pang opisyal ng pamahalaan na sangkot sa pork barrel scam.

            Ayon kay Pabillo, na isa din ang mga mambabatas at ilang mga katiwalian at iba’t-ibang pekeng hindi naman governmental organisasyon ang dapat din masisi sa usaping ito at hindi lamang si Janet Lim Napoles ang naiipit sa kaso.

            Panayam din nito sa Radio Veritas na 30-percent lamang napakinabangan ni Napoles samantalang halagang 70-percent naman ang napunta sa bulsa ng mga mambabatas. Aniya kahit naman na nakuha na nila si Napoles na sinasabing utak sa 10 Bilyong pisong pork barrel scam ay hindi pa din nila mareresolbahan ang kaso sapagkat ang tunay na nakinabang ay ang mga hindi tunay na mapagkakatiwalaang mambabatas.

            Samantalang tinatayang 12 bilyong pisong pork barrel mula sa 101 bilyong piso na inilabas noong taong 2010 na napunta sa pekeng NGO at anim na mambabatas na kaalyado ng Pangulo na nakatanggap sa sobrang pork barrel katulad na lamang ni Senedor Pia Cayetano na 277 milyong piso lamang ang pork barrel fund ng isang Senador.

Type of Structure: Straight News

article 1

Scorer Machine ng Congress-LGU

Matagumpay na naisagawa ang kauna-unahang UNTV Cup noong Agosto 12, 2013 Linggo ng hapon, na ang bawat koponan ay nagpakitang gilas sa nasabing palaro. Ito ay ginanap sa Ynares Sports Araneta, Pasig City na pinangungunahan ni Mr. Public Servants Kuya Daniel S. Razon.

            Isang mainit na laban ang nangyari sa pagitan ng Congress-LGU sa miyembro ng PhilHealth sa nasabing palaro sa Ynares. Agad na natambakan ang koponan ng Congress-LGU ng PhilHealth sa first half na umabot sa 27 puntos.

            Pilit namang humahabol ang isa sa mga miyembro ng Congress-LGU, si Erivc Vijandre na siyang nagpakitang gilas sa laban upang manalo sa koponan ng PhilHealth, bagamat ito’y nahuli sa palaro, isa pa rin ito sa mga tumulong sa kanilang miyembro upang mag bahagi  ng puntos.

            Umiskor ito ng 35 puntos kahit na sa second half na siya naglaro, dahil ito’y nahuli sa oras ng kanilan laban. Pilit hinahabol ni Vijandre ang puntos ng kalaban para manalo ngunit hindi na nila ito nakayanan.

            Kahit hindi na nakahabol pa ang Congress-LGU sa kanilang kalaban na may puntos na 98-73, si Ervic Vijandre pa rin ang nagsilbing scorer machine sa kanilang koponan upang makahabol sa kanilang kalaban sa miyembro ng Philhealth.

Type of News Structure: Straight News